Шейшемби күнү Ирактын Фаллужа шаарындагы АКШнын аскерлеринин текшерүү постуна куралчан адамдар кол салды. Атышуудан АКШнын эки жоокери окко учуп, тогуз жоокер жарадар болду. Кол салган тараптан да эки адам өлүп, алты адам колго түштү. АКШнын Багдаддагы аскерлеринин жетекчиси Буфорд Блоунттун айтымында, кол салуу БААС партиясынын эки көрүнүктүү мүчөсү колго түшүрүлгөндөн кийин болду жана мындай аракеттер Саддам Хусейндин тарапкерлери тарабынан жасалды.
