Кытайдын жетекчиси Ху Цзиньтао менен Орусиянын президенти Владимир Путин кечээги жолугушуусунун соңунда, Түндүк Кореяга байланыштуу биргелешкен билдирүү кабыл алышты. Билдирүү ээлери Түндүк Кореяны өзөктүк куралдарды чыгаруу ниетинен баш тартууга чакырып, АКШ менен Түндүк Кореянын ортосундагы карма-каршылык тынчтык жол менен чечилишин жактай тургандыгын билдиришти. Алар ошондой эле жолугушуу учурунда Ирактагы соңку кырдаалды талкууга алышып, дүйнө коомчулугун согуштан кийинки Иракты калыбына келтирүүгө көмөктөшүүгө чакырышты.
Орусия менен Кытайдын жетекчилери Түндүк Кореяга байланыштуу биргелешкен билдирүү кабыл алышты
