БИШКЕК. Бүгүн Европа Кеңешинин Парламенттик ассамблеясынын мүчөсү Эдельтраут Геттерер, Европадагы Коопсуздук жана Кызматташтык Уюмунун Адам укугу жана демократия институтунун гендер саясаты боюнча кеңешчиси Кинне Ильсен жана Конрад Аденауэр фондунун өкүлү Мира Карабаева парламент мүчөлөрү менен жолугушту. Эл аралык уюмдардын өкүлдөрүн келерки парламенттеги аялдардын орду кызыктырды. Алардын берген суроолоруна депутаттар Асел Мамбеталиева, Зайнидин Курманов жана Марат Султанов жооп беришип, өз ойлорун айтышты. Кыргызстандын азыркы парламентинде 6 аял иштейт. Алардын бешөө парламентке партиялык тизме аркылуу келишкен.
