Орусиянын Бириккен Улуттардагы өкүлү Сергей Лавров 30-май күнү атайын билдирүү жасап, Ирактын изделип жаткан кеңири кыруучу куралы тууралуу АКШ менен Улуу Британия Коопсуздук Кеңешине жакын арада маалымат берүүгө тийиш деп билдирди. АКШ менен Британия Иракка каршы согуш ачканынын себептеринин бири - анын кеңири кыргын салуучу куралын таап, жок кылуу болчу, бирок андай куралдын изи Иракта эмгиче табыла элек. Бул ишке азыр Иракта бир миң 400 адистен турган топ тартылган.
