БУУнун Ирак боюнча жаңы дайындалган өкүлү Сержиу Виейра ди Мелло бүгүн Багдадга келди. БУУнун өкүлү АКШнын жана Британиянын Ирактагы өкүлчүлүгү менен бирге согуштан кийинки Иракты калыбына келтирүү иш чараларына катышып, өлкөгө гуманитардык жардамдын жеткирилишине көзөмөлдүк жасайт. Сержиу Виейра ди Меллонун кызмат орду мындан бир нече күн илгери БУУнун Коопсуздук кеңешинин мүчөлөрү Иракка байланыштуу экономикалык санкцияны алып таштаган жыйында кеңештин мүчөлөрү тарабынан уюштурулган.
