БИШКЕК. 9-10-июнда Кыргызстанга Европадагы Кооопсуздук жана Кызматташтык Уюмунун Демократиялык институттар жана адам укуктары боюнча бюросунун директору Кристиан Штрогаль баштаган делегация келет. ЕККУнун өкүлдөрү президент Аскар Акаев, биринчи вице-премьер-министр Курманбек Осмонов, парламент төрагалары Абдыганы Эркебаев, Алтай Бөрүбаев жана саясий партиялардын, жарандык коомдун өкүлдөрү менен жолугушат. Мындай маалыматты бүгүн Тышкы иштер министрлиги таратты. Министрликтен алынган дагы бир маалыматка караганда, 10-11-июнда ЕККУнун дагы бир делегациясы – төрага Брюс Жорж баштаган ЕККУнун Парламенттик ассамблеясынын өкүлдөрү да Кыргызстанда болот.
