Өлкөнүн Европа Биримдигине кирүүсү боюнча референдумдун алгачкы күнү добуш берүүгө шайлоочулардын 18%ы эле катышкан. Референдум эгер добуш берүүгө укуктуу калктын 50%дан ашыгы келсе гана жарактуу деп табылат. Эгер референдум жараксыз болуп калса Польшанын Европа Биримдигине кошулуусу жөнүндөгү чечимди бекитүү парламенттин кароосуна берилмекчи. Коомдук пикирди сурамжылоонун жыйынтыктарына караганда, калктын басымдуу бөлүгү Польшанын Европа Биримдигине кирүүсүн жактайт.
