Бул туралуу ооган президенти Хамид Карзай коррупцияга каршы күрөшүү боюнча мамлекеттик комиссиянын Кабулда кечээ өткөн жыйынында билдирди. Х.Карзайдын айтымында, Ооганстанда катталган 3 миңдей жергиликтүү жана чет элдик фирмалар паракорлук күч алгандыктан улам ишке киришүүдөн кетенчиктөөдө. Узаккка созулган согуштан талкаланган ооган экономикасын калыбына келтирүү үчүн чет элдик инвестициялар ири өлчөмдө талап кылынат.