БИШКЕК. Кыргыз-кытай чек арасы жөнүндөгү талаш-тартыш жана анын натыйжасында келип чыккан кандуу окуя тууралуу «Үзүлгөн Үзөңгүкууш жана Аксыдан аккан кан» аттуу китептин биринчи бөлүгү жарыкка чыкты. Анын автору Мирадил Амангелди уулу Кыргызстандын Үзөңгүкууш участогунун Кытайга берилиши жана ал маселе боюнча бийликти сынга алган депутат Азимбек Бекназаровдун камалышы, Аксы окуясынын чыгышы өңдүү окуяларды сүрөттөр, картографиялык документтер менен коштоп баяндаган. Китептин экинчи бөлүгү «Улуу жүрүш» деген ат менен жакында жарык көрмөкчү. Автордун айтымында, өлкөдөгү басмаканалардын көбү китепти чыгаруудан баш тартышкан.
