Анда келтирилген маалыматтарга ылайык, дүйнө жүзү боюнча радиоактивдүү материалдар салынган миңдеген контейнерлер жоголуп же уурдалып кеткен. Алардын баары “ыпылас” деп аталган бомбалардын түрүн жасаганга пайдаланылышы мүмкүн, деп айтылат докладда. Документте АКШнын администрациясы радиоактивдүү материалдар начар сакталган өлкөлөргө жардамдашуу планын иштеп чыкпаганы үчүн сынга алынган. Аталган максат үчүн ажыратылган каражаттын басымдуу көп бөлүгү мурдагы советтик республикаларга эмес, Кошмо Штаттарынын өзүндөгү программаларга жумшалган.
