НАРЫН. Делегациянын жетекчиси Рик Бридвель мырзанын «Азаттыкка» билдирүүсүнө караганда, Нарын облусу менен Монтана штатынын ортосундагы ар тараптуу байланыштар 3 жылдан бери уланууда. Буга чейин Монтана штаты Кыргызстандын Улуттук гвардиясы, коргоо министрлиги, экология жана өзгөчө кырдаалдар министрлиги менен да байланышып келген. Бул сапар монтаналыктар Нарын облусундагы «Атбашы» ГЭСи жана кичи ГЭСтер менен таанышып, аларды реконструкциялоо боюнча кеңештерин беришип, каражаттан жардам берүүгө ниет кылышууда. Монтаналыктар ошондой эле Нарын мамлекеттик университети менен да таанышты.
