Линктер

шаршемби, 7-декабрь, 2016 Бишкек убактысы 00:07

Ханс Бликс Ирактын куралдарына байланыштуу АКШны сынга алды


Бириккен Улуттар уюмунун курал инспекциясын жетектеп келген Бликс Ирактын массалык кыргын куралдары тууралуу америкалык чалгын кызматтары ишенимсиз маалыматтардын негизинде иш жүргүзүп келгенин билдирди.
Нью-Йоркто Тышкы байланыштар кеңешинде сүйлөгөн сөзүндө ал АКШ Ирактын буга 100 пайыз ишенээрин айтып келип, бирок Саддам Хусейн кулагандан бери мындай куралды таба албаганын белгиледи:

- Курал жайларына келсек, чалгын маалыматы анчейин ишенимдүү эмес экенин сездик. Бул - таң калыштуу, массалык кыргын салуучу курал бар экенине 100 пайыз ишенесиңер, бирок алардын кайда экенин 0 пайызга билесиңер.

30-июнда кызматынан кетип жаткан Ханс Бликс Иракта массалык кыргын куралын таап алуу мүмкүнчүлүгүн четке каккан жок.

Азаттык Фейсбукта

XS
SM
MD
LG