Линктер

logo-print
дүйшөмбү, 05-декабрь, 2016 Бишкек убактысы 00:27

АКШ президенти Ж. Буш Пакистанга 3 миллиард доллар убада кылды


Кошмо Штаттарынын президенти Жорж Буштун айтымында, Усама бин Ладен жана Саддам Хусейн сыяктуу качкындарды кармоо убакыттын иши жана бул экөө кармаларына ал ишенет.
Ал мындай пикирин Кемп-Дэвидде Пакистандын президенти Первез Мушарраф менен чогуу берген пресс-конференцияда айтты.
Жорж Буш глобалдык террор АКШга катар Пакистан үчүн да коркунучтуу экенине да көңүл бурду:

- Кошмо Штаттары менен Пакистанга глобалдык террор коркунуч жараткан жана биз аны чечкиндүү жок кылабыз. Талибдерге каршы өнөктүктө Пакистан бизге олуттуу жардам көрсөттү. 11-сентябрдагы чабуулдан бери Пакистан 500дөн көп “ал-Каидачы” менен талиб террорчуларын колго түшүрдү.

Мушаррафтын сөзүнчө, “ал-Каиданын” негиздөөчүсү Усама бин Ладен колго түшпөс үчүн Пакистан менен Ооганстандын ортосунда качып жүрүшү мүмкүн.

Жорж Буш, ошондой эле, Конгресске кайрылып, Пакистанга 3 миллиард долларлык жардам көрсөтүүнү сураарын жана Вашингтон-Исламабад ортосундагы Соода жана инвестиция боюнча келишимге кол койоорун жарыя кылды.

Азаттык Фейсбукта

XS
SM
MD
LG