Окуя палестиндердин Бейт-Ханун шаарына жакын жерде болду. "Хамастын" өкүлүнүн билдиргенине караганда, куралдуу согушкерлер уюмдун жетекчилеринин биринин жакындагы өлүмү үчүн өч алуу максатында жөөт армиясынын таяныч бекетине кол салган. Ал эми Тель-Авив шаарынын чет жакасынан терракттарды даярдаганы үчүн шектелген эки палестин кармалды. Жөөт жана палестин коопсуздук кызматтарынын өкүлдөрү бүгүн да жолугуп, палестин аймактарынан Израил аскерлеринин бир бөлүгүн чыгарууга байланышкан маселелерди талкуулайт.