Бириккен Улуттардын Азык-түлүк программасынын өкүлү Рик Корсинонун айтымында, Түндүк Кореяда тамак-аш тартыштыгы зор, бирок 1995- же 1996-жылдардагы ачарчылыктай абал түзүлө элек. Анткен менен эл аралык коомчулук өлкөгө бир миллион тонна азык-түлүк жиберүүгө тийиш жана жакында Түштүк Корея менен Орусиядан жиберилген тамак-аш октябрга чейин гана жетет. Мамлекеттик каражатты өзөктүк курал өндүрүүгө жумшаган Түндүк Кореянын эли тоолорго чыгып жана деңизге түшүп тамак издеп калган абалда.
