БИШКЕК. НАТОнун баш катчысы Жорж Робертсон Борбор Азиядагы иш сапарынын алкагында Кыргызстанга 10-июлда келет. 11-июлда аяктай турган иш сапарында ал президент Аскар Акаев, Эл өкүлдөр жыйынынын төрагасы Алтай Бөрүбаев, тышкы иштер министри Аскар Айтматов, коргоо министри Эсен Топоев менен жолугушат. Бул жолугушууларда НАТО менен Кыргызстандын ортосундагы кызматташтык маселелери талкууланат. Бул тууралуу бүгүн Тышкы иштер министрлигинин басма сөз кызматы кабарлады.
