БИШКЕК. Өнөгөсүз өпкө оорусунун Кыргызстанда пайда болушун алдын-алуу максатында Азия өнүгүү банкы тарабынан 90 миң АКШ доллар өлчөмүндөгү каражат бөлүндү. Бул каражат аталган банктын өнөгөсүз өпкө оорусуна каршы күрөшүү боюнча техникалык жардам көсөтүүдөгү регионалдык долбоорунун алкагында бөлүндү. Мындай маалымат 10-июлда Азия банкынын Кыргызстандагы өкүлчүлүгүнөн алынды. Бөлүнгөн каражаттын эсебинен Кыргызстандын мамлекеттик чек ара пункттарындагы санитардык көзөмөл жүргүзүү объекттери, ооруканалар жана лабораториялар үчүн техникалык жабдуулар, инфекциялардан сактоочу кийим, дезинфекциялык каражаттар жана башка медициналык жабдуулар сатылып алынат.
