Италияда немистерге тил тийгизген министр кызматынан кетти

Италиянын туризм министри Стефано Стефани өткөн аптада немистерди "ашынган улутчулдар, деңиз жээгин каратаандай каптаган көк көз баскынчылар" деп сыпаттаган эле. Стефанинин бул сөздөрүнөн кийин Германиянын канцлери Герхард Шрөдер Италияда эс алуу планынан баш тартты.
Ушул эле аптада Италиянын премьер министри Силвио Берлускони Европа парламентиндеги немис депутатты фильмде концлагердин командири болуп ойно деп зекиген.