Африкадагы Либерия мамлекетинин борбору Монровия шаарына Либерия ынтымакташуу жана демократия бирикмесинин куралдуу тобу кол салып, борбордун жака белин басып алды. Өлкөнүн президенти Чарльз Тейлор өз аскерлери менен чабуулга каршы туруп, ишембиде Монровияда катуу аткылашуу орун алды. АКШнын Либериядагы элчиси Жон Блиней куралдуу топту Монровияга чабуулду токтотуп, кан төгүлүшүнө жол бербөөгө чакырууда. Өлкөнүн бештен бир бөлүгүн гана көзөмөлдөп турган президент Чарльз Тейлор, тынчтык кармоочу күчтөрдү Либерияга жиберүүнү АКШдан өтүнүүдө. Акыркы маалыматтар боюнча Либериянын борборунун айласында ок атышуу жүрүүдө.
