Блэр Иракка каршы согуш ачуу туура чечим болгон деп эсептейт

Британиянын өкмөт башчысы Бээжинде студенттер менен суроо-жооп маслеттешүүсүндө мындай деди:

- Акыр-аягында өзүбүз туура деп эсептеген чечим чыгарып, ошону ишке ашырышыбыз керек. Ошондуктан мен Ирактагы согушка катышууга бүтүм кылгам. Ал үчүн сынга туш келдим, бирок менин өлкөмдө эл менин ишимди туура көрбөсө, иштен кетирип, башка бирөөнү шайлап ала алат. Демократия деген ушул да.

Блэр ошондой эле "Ирактын мурдагы режими массалык кыргын куралын жасап келгенинен күмөн санабайм" деди. Иракта бүгүнгө чейин мындай курал табыла элек.