БИШКЕК. 22-августта Кыргызстанга иш-сапары менен Америка Кошмо Штаттарынын Конгрессинин жооптуу кызматкерлери келет. Бул АКШ Конгресс кызматкерлеринин Борбор Азияга жасалган 9-сапары. «АКШ-Азия» фондунун башкы кеңешчиси Роб Уоллес баштаган делегациянын максаты Кыргызстандагы саясий жана экономикалык кырдаал менен жакындан таанышуу. АКШ Конгрессинин өкүлдөрү президент А.Акаев, Жогорку Кеңештин кош палатасынын төрагалары, бир катар министрлер менен жолугушат. Делегациянын Кыргызстанга иш-сапары 24-августта аяктайт.
