Жак Ширак бул тууралуу француз өкмөтүнүн жакында орун алган ысыктын кесепеттерин талкуулаган жыйынынан соң билдирди. Өкмөттүн эсебинде, август айынын башындагы катуу ысыктан улам 5000дей киши каза тапты, алардын көпчүлүгү – улгайган адамдар. Бирок Франциянын өлүк көмүүчү башкы ишканасы ушул айдын алгачкы апталарында 10 миңден ашуун киши дүйнөдөн өткөнүн, бул өткөл жылдын мезгилине салыштырганда алда канча көп экенин билдирген. Расмий маалымат боюнча ысыктын айынан Португалияда 1300, Испанияда 100дөй адам көз жумду.
