БИШКЕК. 25-август. Республикадагы бир катар айыл-шаар жашоочуларына таза суу жеткирчү суу түтүктөрүнүн 40% эскирип, керектен чыккан. Ошентип Кыргызстандын 800 дөн ашуун айылдын 786 миң жашоочусу таза суу ичүүгө мүмкүнчүлүгүнөн ажырашкан. Мындай кырдаалдан чыгуу үчүн учурда Дүйнөлүк жана Азия өнүктүрүү банктарынын колдоосу менен эки долбоор ишке ашырылууда. Ага ылайык жакынкы 6-7-жыл аралыгында 1000 ашуун айыл жана 7 шаардагы суу түтүктөрү толук жаңыланат. Мындай маалымат А.Акаевдин өткөн ишембиде Токмок шаарында сүйлөгөн сөзүндө келтирилди.
