БИШКЕК. 25-август. Бүгүн президент Аскар Акаев Кытай Эл Республикасынын Кыргызстандагы жаңы толук ыйгарым укуктуу элчиси Чжан Янь Нянь жана Индиядан Кыргызстанга элчи болуп дайындалган Аппуни Рамишти кабыл алды. Президент жана элчилер өлкөлөр ортосундагы соода-экономикалык, маданий тармактардагы кызматташтыктарды мындан ары өнүктүрүү боюнча пикир алмашты. Кытай менен Индиянын Кыргызстандагы жаңы элчилерин ушул эле күнү премьер-министр Николай Танаев да кабыл алды.
