БИШКЕК. Бүгүн Жогорку Кеңештин Мыйзам чыгаруу жыйынында В. И. Лениндин эстелигин башка жакка которуунун мыйзамдуулугу тууралуу маселени талкуулоо улантылды. «Коммунисттер» фракциясы премьер-министр Николай Танаевди кызматтан кетирүү, Лениндин эстелигин кайрадан ордуна орнотуу тууралуу палатанын токтомунун долбоорун сунуш кылган эле. Талкуунун соңунда бул маселе боюнча депутаттар жашыруун добуш беришип, токтомдун долбоору толугу менен өтпөй калды. Мыйзам чыгаруу жыйынынын дүйшөмбүдөгү отурумунда Кыргызстандын социалдык-экономикалык абалы тууралуу маселе каралат.
