Ингушетиядагы жардыруудан кийин Чеченстандын тегерегиндеги орус күчтөрү күчөтүлгөн күжүрмөн даярдыкка келтирилди. Бул тууралуу Москва тарабынан дайындалган чечен бийлигинин өкүлү Ассошиэйтед Пресс агенттигине билдирген. Атын атабоону өтүнгөн чечен бийлигинин өкүлүнүн айтымында, акыркы 24 сааттын ичинде можахеддердин чабуулунан 10 федералдык аскер окко учту. Ал эми дүйшөмбү күнү Орусиянын Федералдык Коопсуздук Кызматынын Ингушетиядагы имаратын жардыруудан үч киши каза болуп, 25 адам жаракат алган.
