Израилдин телеканалындагы сөзүндө Ясир Арафат автономиянын бийликтери террордук иштерди токтотконго радикалдуу палестин топторун көндүргөнгө аракет кылып жаткандыгын билдирди. Ошол эле учурда “Ал-Жазира” телеканалындагы интервьюсунда Арафат Кошмо Штаттарын айыптап, Вашингтон Израилдеги катаң багытты кармангандардын кыбаасын кандырып жатат деп билдирди. Коопсуздук кеңешинде АКШ вето салган резолюцияны арап өлкөлөрү ООНдун башкы ассамблеясына койгону жатышат.