Иордан дарыясынын батыш жээгинде жана Газа тилкесинде бардык кыймыл-аракетке тыюу салынды. Мындай чаралар жөөттөрдүн Жаңы жыл майрамына байланыштуу кабыл алынды. Майрам эки күнгө созулат. Акыркы маалыматтар боюнча, Иордан дарыясынын батыш жээгинде бүгүн отуздай палестин тургуну камакка алынды. Алардын арасында Ислам жихады уюмунун эки лидери бар. Операциялар Газа тилкесинде да өткөрүлүүдө. Палестин автономиясынын өкүлү Саэб Эрекат Израилди региондогу жагдайды тынчтык жол менен жөнгө салуу аракетин үзгүлтүккө учуратып жатат деп айыптады.
