Линктер

logo-print
жекшемби, 04-декабрь, 2016 Бишкек убактысы 12:26

АКШлык аскерлер ал-Фаллужа шаарында болгон куралдуу калабаны иликтей башташты


Кошмо Штаттарынын маалымдашынча, америкалык жоокерлер жума күнү шам ченде Багдаддын батышындагы ал-Фаллуждагы аскерий бекетке токтобой өтүп кеткен автомобилдеги эки ирактыкты атып өлтүрүп, башка төрт адамды жарадар кылышкан.
АКШ армиясынын өкүлү подполковник Жорж Кривонун билдиришинче:

- Автомобилден жол каттамын текшерген бекет аткыланган болчу. Коалициянын жоокерлери ага жооп кылып, ок ачканда эки адам өлдү жана төрт адам жараат алды. Тергөө бизге окуянын чоо-жайын тактап берет.

Ал эми жергиликтүү адамдардын айтышынча, калабада төрт адам, анын ичинде эки аял набыт болушкан.
Кандуу калаба жөнүндө кабар жайылар менен, ошол аймакта АКШлык күчтөргө каршы демонстрация өткөн.

Азаттык Фейсбукта

XS
SM
MD
LG