Адам укуктары боюнча эл аралык федерация жумуриятта ушул жекшембиде өтө турган президенттик шайлоону айыптап, аны "адам укуктарын кордоп-басмырлоонун көрсөтмөлүү акты" деп атады. Эл аралык уюмдун билдирүүсүндө айтылгандай, 23-мартта Чеченстанда өткөн референдумда президенттик шайлоого жол ачылгандан бери адамдарды уурдоо, катардагы атуулдарга каршы кылмыштар, зордук зомбулук күч алган. Анда Москва колдогон чечен жетекчиси Ахмад Кадыровдун татыктуу атаандаштары шайлоо өнөктүгүнөн ар кандай жолдор аркылуу четтетилгени да сынга алынган.
