БИШКЕК. Уурдалган электр энергиясынын өлчөмү «Түндүк электр» ишканасында барган сайын көбөйүүдө. Соңку 8 айдын ичинде ишкананын коммерциялык чыгымы өндүрүлгөн энергиянын 48% түздү. Эгерде мындай көрүнүш улана берсе жыл соңуна чейин ишкана 650 млн. сом өлчөмүндө чыгымга учурайт. Бул тууралуу бүгүнкү маалымат жыйынында «Түндүк электр» ишканасынын башчысы Сапарбек Балкыбеков билдирди. Анын айтымында, ишкана жакын арада Ички иштер министрлиги жана Улуттук коопсуздук кызматы менен биргелешип күтүүсүз текшерүүлөрдү уюштурмак болду.
