БИШКЕК. Улуттук илимдер академиясынын «Бишкек» сейсмостанциясынын бүгүн тараткан маалыматына караганда, кечээ Бишкек убактысы боюнча түнкү саат 10дон 42 мүнөт өткөндө Кыргызстанда жер силкинди. Жер титирөө Бишкек шаарынын түштүгүндөгү Аларча капчыгайында катталып, анын күчү капчыгайдын өзүндө 3,5 балл, Бишкекте, Сокулукта, Кантта, 3 балл, Ысыкатада 3 баллдан 3,5 баллга чейин болду. Жер титирөөдөн мал-жан жабыркаган жок.
