ТАШКЕНТ. Өзбекстандын президенти Ислам Каримов мурдагы тышкы иштер министри Абдулазиз Комиловду АКШга элчи кылып дайындады. Комилов 1994-жылдан баштап быйылкы мартка чейин Өзбекстандын тышкы иштер министри болуп иштеген. Ал кызматтан четтетилген соң тышкы саясат боюнча мамлекеттик кеңешчи болуп кызмат кылган. Комилов 2001-жылдын май айынан бери өлкөнүн АКШдагы элчиси болуп иштеп келаткан Шавкат Хамракуловду алмаштырат.