Альянска кирген өлкөлөрдүн коргоо министрлеринин АКШнын Колорадо штатында өтүп жаткан жыйында сүйлөгөн сөзүндө НАТОнун баш катчысы Жорж Робертсон бейпилдик күчтөрүнүн коопсуздук операциялары кеңейтилгени жатканын ырастап, бул үчүн кошумча контингент керек болорун белгиледи. Альянс коомдук тартипти камсыз кылганы жана калкты коргогону Кабулдан тышкаркы шаарларга да атайын аскер күчтөрүн жайгаштырууну пландап жатат. Колорадодогу жыйынга Россиянын коргоо министри Сергей Иванов да катышууда.
