АНКАРА. Кечээ Түркиянын Тунчели провинциясында жүргүзүлгөн рейддерде түрк аскерлери ПККнын төрт күрт козголоңчусун өлтүрүштү. ПКК, же КАДЕК деген ысым менен белгилүү бул уюм куралдуу күрт козголоңчуларынын негизги уюшмасы. ПКК козголоңчулары менен түрк аскерлеринин 1984-жылдан бери жүрүп жаткан согушунда кеминде 36 миң киши курман болду. Акыркы айларда дээрлик токтоп калган куралдуу кагылыштар эки жумадан бери кайрадан жанданды. Түркия АКШдан Ирактын түндүгүндө жашынган күрт козголоңчуларынын уюктарын жок кылууга кол кабыш кылуусун өтүнгөн.
