ПРЕЗИДЕНТ 2004-ЖЫЛДЫ АКЫЙКАТ БАШКАРУУ ЖЫЛЫ ДЕП ЖАРЫЯ КЫЛДЫ, БИРОК АГА ИШЕНБЕГЕНДЕР ДА БАР

Кыяс Молдокасымов, Бишкек Президент Аскар Акаевдин 15-октябрдагы Кыргызстандын калкына карата күзгү кайрылуусу депутаттар жана саясатчылар тарабынан ар кандай кабылданып жатат. Бийлик өкүлдөрү мамлекет тарабынан тапшырылган милдетти кыйшаюусуз аткаруу керектигин айтышса, айрым саясатчылар Президенттин кайрылуусунда конкреттүү маселелер коюлбаганын, буга чейин эле айтылып жүргөн сөздөр кайталанганын айтышат. Ал эми карапайым калк 2004-жылы бир жылдын ичинде бурулуш жыл болуп, турмуш-шарттарында урунтуктуу өзгөрүү болооруна ишенээр бекен? Бул жолку тегерек үстөл маекте Президенттин кайрылуусу тууралуу Кыргызстан Коммунисттик партиясынын лидери, Мыйзам чыгаруу жыйынынын депутаты Апсамат Масалиев, Мыйзам чыгаруу жыйынынын депутаты, профессор Махмуд Күчүков, 1-Май районунун акими Токон Шайлиева өз пикирлерин ортого салат. Маекти алып барган - Кыяс Молдокасымов.