Түндүк Корея мындай сунушту күлкү келерлик иш деп атады. Мамлекеттик маалымат агенттигинин комментариясында Пхеньян баштагыдай эле Вашингтондон эки тараптуу келишим түзүүнү талап кыла тургандыгы айтылат. Президент Буш бир нече күн мурда мындай келишимди алгылыксыз деп атап, бирок түндүк кореялыктардын атомдук программасы боюнча сүйлөшүүлөргө катышкан өлкөлөр менен бирге Пхеньянга Вашингтон коопсуздук кепилдигин бергенге даяр экендигин билдирген эле. Быйыл жайдагы сүйлөшүүлөргө аталган эки өлкөдөн тышкары Кытай, Түштүк Корея, Россия жана Япония катышкан.
