Бул тууралуу америкалык конгресстин өкүлдөр палатасында мамлекеттик катчынын Европа жана Евразия иштери боюнча жардамчысы Элизабет Жонс билдирди. Коркунучтун башкы булагы катары Жонс жалпы Батышка кастарын тиккен эки уюмду - Өзбекстан ислам кыймылы менен Хизб-ут-Тахрир партиясын атады. Региондогу терроризмдин проблемасы коңшулаш Ооганстандан улам айрыкча актуалдуу мааниге ээ болуп отурат, деп белгиледи америкалык дипломат.