БИШКЕК. Кечээки күнгө карата Баткен облусунда ич келте дартына чалдыккан 24 атуул катталган. Алардан тышкары, Баткен облустук ооруканасына жаткырылган дагы 3 кишиде «ушундай оору бар» деген божомол бар. Буга байланыштуү азыр Баткен облусунда ооруга каршы чара көрүү боюнча атайын штаб түзүлүп, иштеп атат. Бул тууралуу бүгүн Саламаттык сактоо министрлигинин басма сөз кызматы кабарлады. Министрлик тараткан маалыматка караганда азыр коңшулаш Тажикстанда ич келте оорусу тез таралып атат.
