БИШКЕК. Кыргызстандын Медиакеңеши президент Аскар Акаевге кайрылды. Ал маалымат каражаттарына каршы доо арыз менен кайрылгандарга мамлекеттик төлөм киргизүүнү, ушак тараткандыгы жана инсандын арнамысына шек келтиргендиги үчүн кылмыш жообуна тартууну алып салууну караштырган мыйзам долбоорун парламентке берүүгө чакырды. Медиакеңештин иликтөөсү боюнча, өлкөдөгү маалымат каражаттарынын өнүгүшүнө доо арыздардын көптүгү терс таасир тийгизүүдө.
