Өзбекстанга келген Индиянын тышкы иштер министри Яшвант Синха кечээ күнү президент Ислам Каримов менен жолугуп, эки өлкө ортосундагы кызматташууну кеңейтүү маселелерин талкуулады. Өзбекстан азыр Ооганстан аймагы аркылуу жол куруп, деңизге чыгуу боюнча долбоор даярдоодо жана индиялык министрдин айтымында, Дели ага көмөктөшөт. Андан тышкары, Өзбекстанда өндүрүлгөн жүк ташуучу учактарды сатып алууга да Индия кызыкдар.
