ДҮЙШӨМБҮ. Тажикстан донорлордун баш калаада өтүп конференциясында жумуриятка кошумча чет элдик жардам берилээринен үмүт кылат. Тажик президентинин кеңешчиси Файзулло Холодоев донорлордун май айында өткөн конференциясында жакырчылыкка каршы күрөшүү үчүн Тажикстанга 900 миллион доллар убада кылынганын жана ушул күнгө чейин жумуриятка ал сумманын 24 проценти келип түшкөндүгүн белгилейт. Өлкө жетекчилиги бүгүн Дүйшөмбү шаарында өтүп жаткан конференцияда жумуриятка дагы кошумча 147 миллион доллар берилээринен үмүт кылууда.
