Москва соту бүгүн ушундай чечим кабыл алды. ЮКОСтун мурдагы башчы Михаил Ходорковскийдин адвокаттары анын баш коргоо чарасын өзгөртүү талабы менен сотко кайрылган эле. Сот процессине чейин анын түрмөдөн бошотулушун Мамлекеттик думанын бир катар депутаттары да колдошуп,кепил өтүшкөн. Ходорковский финансылык көз боемочулук кылганы жана салык төлөөдөн качканы үчүн кармалып, камалган. Адвокаттар Москва шаардык сотунун чечимин эми Россиянын Жогорку сотунда жана адам укуктары боюча Европа сотунда даттана тургандыгын айтышты.
