БИШКЕК. Бүгүн Өкмөт Үйүндө өлкөдөгү билим берүүнүн сапатын жакшыртууга жана тест сынагынын жыйынтыгына байланыштуу жыйын болду. Ага билим берүү жана маданият министри Ишенгүл Болжурова, жогорку окуу жайларынын ректорлору жана АКСЕЛС уюмунун өкүлдөрү катышты. Министр өз сөзүндө тест сынагы өзүн актаганын айтып өттү. Ал быйыл ушундай сынактын натыйжасында жогорку окуу жайларына бюджеттик негизде окууга өткөндөрдүн 64% айылдыктар экенин белгиледи. Ал эми тест сынагын уюштуруучу АКСЕЛС уюмунун өкүлү көз карандысыз тестирлөө борборун түзүү жана тест сынагынын акысын көбөйтүү зарылдыгы бышып жетилгенин билдирди.
