Линктер

logo-print
ишемби, 03-декабрь, 2016 Бишкек убактысы 06:27

БИШКЕКТИКТЕР ГАЗ ҮЧҮН 61 МЛН. СОМ КАРЫЗ


Бүгүн «Кыргызгаз» акционердик коомунун өкүлдөрү газ тармагында түзүлгөн абал тууралуу журналисттерге жыйын өткөрүшөт. Өлкөнүн газ чарбасы учурда оор абалды баштан кечирип жаткан чагы. Алсак, Кыргызстан Өзбекстанга газ үчүн 12 млн. доллар карыз. Ошол эле учурда эл газ акысынын кымбаттыгынан «Кыргызгазга» карыз болуп келатышат.

Бишкек шаарынын газ чарба башкармалыгынын жетекчиси Василий Берестовдун маалыматы боюнча, азыр бишкектиктер газ үчүн 61 млн. сом карыз.

- Коопсуздук кеңеши биздин алдыбызга элдин газ үчүн карызын 1-январга карата 56 млн. сомго чейин азайтуу тапшырмасын койгон. Азыр биз аны аткаруу боюнча иштеп жатабыз. Ал эми Бишкек шаарынын мекеме-уюмдары менен чогуу эсептегенде жалпы карыз 73 млн. сомдун айланасында, - дейт ал.

Василий Берестов соңку убакта эл арасында газды мыйзамсыз пайдалануу фактылары көбөйүп кеткенин мындайча маалымдады:

- Өткөн 10 айда Бишкек газ чарба башкармалыгы газды пайдалануу эрежесин бузуу боюнча 108 фактыны аныктады. Анын натыйжасында 120 миң сом айыппул алынды. Мындан тышкары, 1 млн. 736 миң сомдук газды уурдоо боюнча 42 иш прокуратурага өткөрүлүп берилди.

Василий Берестовдун айтымында, газ жөнүндө атайын мыйзам болбогону менен, Кылмыш кодексинин 173-беренесинин негизинде газ уурдаган адамды 5 жылга чейин эркинен ажыратууга болот. Ал «газды калк кызмат көрсөтүү катары эмес, товар катары эсептеши керек» дейт.
XS
SM
MD
LG