ПАНФИЛОВ. Райондун Орток айылында БУУнун өнүгүү программасынын (БУУӨП) колдоосу астында тоолуу аймактарды өнүктүрүүгө арналган семинар өттү. Ага БУУӨПнын ѳкүлдѳрү, бир катар ѳкмѳттүк эмес уюмдар жана райондук администрациянын жетекчиси баш болгон адамдар катышышты. Анын негизги максаты тоолуу аймактарда жашаган калктын учурдагы кѳйгѳйлүү деп эсептелген маселелерин талкулоо болду. Талкууга катышкан райондун жетекчилиги тоолуу айылдардагы айрым көйгөйлүү маселелерге токтолуп, элди таза суу менен камсыздоо программасынын ишке ашып жаткандыгын билдирди.
