Ооганстанда америкалык тикучар кыйрап, беш жоокер набыт болду

АКШнын аскерий жетекчилигинин маалымдашынча, жекшемби күнү Ооганстанда америкалык аскерий тикучар кыйрап, АКШлык беш жоокер набыт болду жана жети аскер жараат алды.
Тикучар Кабылга жакын жайдагы Баграм авиабазасына конгону баратып кыйраган. Кырсыктын себеби белгисиз жана окуяны тергөө башталды деп айтылат ырасмий билдирүүдө.