БИШКЕК. 27-ноябрдан 1-декабрга чейин Кыргызстандын Ош жана Кызылкыя шаарларында Орусия Федерациясынын маданий күндөрү болот. Мындай маалымат бүгүн Орусиянын Кыргызстандагы элчилигинен алынды. Ал кабарга караганда, маданият күндөрү Орусиянын Маданият министрлиги менен Кыргызстандын Билим берүү жана маданият министрлигинин ортосунда түзүлгөн макулдашуунун негизинде өткөрүлмөкчү. Ага Орусиянын 30дан ашык мыкты искусство чеберлери катышат. Алардын арасында «Реликт» аттуу трио, «Московская балалайка» аттуу квартет жана Чоң театрдын ырчылары бар.
