СТАМБУЛ. Түркиянын премъер-министри Режеп Тайып Эрдоган Британияны даярдалып жаткан террордук чабуулдар жөнүндө Түркияны алдын ала эскертпегендиги үчүн кескин сынга алды. Кечээ Британиянын тышкы иштер министрлиги Анкарада жана Стамбулда ыктымал боло турган террордук чабуулдар жөнүндө маалыматтары бар экенин билдирген. Эрдоган андай маалыматка ээ тарап ал маалыматтарды журналисттерге эмес, кызыкдар тарапка берүүгө тийиш деп сындады.
