Орусияда 7-декабрга белгиленген парламенттик шайлоонун алдында өлкөнүн Коммунисттик партиясы Шайлоону көзөмөлдөөчү кеңештен кечээ күнү чыккандыгы тууралуу билдирди. Партия төрагасы Геннадий Зюгановдун айтымында, Кеңеш дагы, Борбордук шайлоо комиссиясы дагы коомдук пикирди бурмалоого катышууда жана шайлоо фарска айланууда, мамлекеттик маалымат каражаттары болсо өкмөттүк партияларды гана пропагандалап жатат.
